المرحوم احمد الشائب رفه (مرادى )

مرادي وين تجي تنجل .. بزول أجمل .. لها جايل .. وعقد يول .. جديد بنجماته خايل

مرادي وين تجي بذراع .. رقيق اصباع .. سواراته بارق شكاع
سلام ايده ليدي مرباع .. كلامه ظل .. سهاريه ماني طايل

بطول عمره وافي لطباع .. بزين عمل .. نظيف عضا من كل زلل
سنا ناره فينا ولاع .. ونستاهل.. جميع اللي يجيني حامل
************************************
مرادي وين تجي بجبين .. مع العرنين .. ضوايا ما بين دكاكين

قطاطيها ماحن شوطين .. على الجادل .. نباهن ليذاعات وصل
عيون اللي بين وداوين .. بهذب أكحل .. سنا ميمه روحي شايل
لها مضحك بسواك يلين .. لذيذ معل .. خفي صوته ع الخير يدل
مع رقبة زوق بعقدين .. إن جت حافل .. حلاس على سابق جافل
شكع في ذراعك حد الزين .. المستعدل .. جديد بثوماته خايل
لويتي بوطيه طيين .. مع جايل .. على شرشوف رضاعه قل
لبستي ريحيه تزيين .. بزين عضل .. الزين كراعك تستاهل
خطم زولك بين نساوين .. سكوني تل .. بضاعة للخارج ناقل
لذيذ اسمك بين الحيين .. تقول عسل .. خفا ريقي بيه يعامل
خطم زولك حضرتي دين .. المستقتل .. سنا ناره عيني هجل
نهوني نهوان مجانين .. ونا عاقل .. على ديني ماني ساهل
قريت آيات المرهونين .. على سايل .. لقيت السايل مستمثل
عطاني حد حدود الزين .. دوا يقتل .. غلا من كاس غسول شمل
مرادع بو خمسة واثنين .. المتشوكل .. اليوم معانا متذايل
ضميرى لاقط قانونين .. ظريف اشكل .. نداوى بنداق مجفل
امل
[b]نجوا ظلام ومظلومين .. بدا طايل .. فدا راسك راسي دلل [/b]

» ايش السبب للشاعر المرحوم احمد الشايب رفه
» شباب ابلادى -الشاعر احمد جلنقه
» الشاعر المرحوم : عبد المطلب الجماعي
» الشاعر المرحوم : عبد المطلب الجماعي
» الشاعر المرحوم _ محمد بن قارح الجماعي قصيدة ( اوهام اولافي )