اخوانى الكرام الاعزاء اعضاء ومشرفين ومدراء منتدى تاقرفت الاجتماعى
اليوم انقل لكم قصيدة صبرنا لحكم الله للشاعر عبدالمطلب الجماعى ارجوا ان تتقبلوها منى ومع فائق احترامى وتقديرى لكم
الشاعر المرحوم : عبد المطلب الجماعي
صبرنا لحكم الله غصبا عنا ...ودرنا لهن ليام كيف يبنّا
صبرنا لحكم الله غصب علينا...والدهر طاوعناه كيف يبينا
أيام الطرب جلنا معاه زهينا...ووقتا برم طعناه ماشاقنا
اليوم خص هانا في القصير بنينا...له زمان ماجا زول ينشد عنا
له زمان ما جا لافي ...كان غير خاطم خطاه خفافي
كيف العدو كيف الحبيب الصافي ...لا كانّا م الناس لاهم منا
لانيش صاحب سو لاني جافي ...م القل هانونا العزاز وهنّا
م القل هانونا العزاز علينا ...والصاحب ليا شبحك يوطي عينه
واللي قبل يمشي قصرن رجلينه..كيف ما بغاش الجي مايبغنه
والعزم عاده مايفارق فينا...حتى ان نقص مازال عاقب منه
مازال منه قاعد ...وبيش ماوعد مايختلفش الواعد
واللي يكرهك من جلوته تتباعد...مالكش خيره في قروبك منه [/center]