السلام عليكم ورحمة الله وبركاته
طبعا هذا الشاعر دخل وقال هذا الكلام ونحن كادراة ومراقبين بهذا المنتدى نحترم راى اى شخص وحبينا نقلها لكم يقول ////
كيف راد ربي صار
وأحنه فالنهاية كلنا ثوار
امغير هفتو كيف راد ربي صار
كيف مايريد المولى هوا إلي خلقنا او هولي نرعوله او مايهمنا تغير حاكم دوله والحكم للتغير يومن صار
إلي يهمنا بيعة الوطن ابطوله او عرضه إيتم مداس للكفار
ثايرين قبل واجد خدينا جوله اوماجبناش لا نيتو او لاطيار
ولي كان شاعرنا امعانا قوله
تما علينا إيقول فالاشعار
انضني لفتله في ادماغه لوله
والله امحصل من العدو دينار
إيقول مايقول أنقال مانصغوله
أضراط ليل شالاته الريح او طار
رد الشاعر الضميد وقال ///
قتوا خونه ...... جردان واخرى قمل وصفتونا
واياما واياما بشى مثلتونا ...... حاشاهم تريس ابطال ناس احرار
وظلم ظلم ماتزبد اللى مشنونه .... ولاكشك منها تكسبه فى دار
والحق حق لوطال الزمان بعونه ..... يبقاء حق مايجرن عليه غيار
وانتم عماكم جهل فى مظمونه ..... والجاهل احيانا تعذرا بعذار
وانتم كان قايدكم ادافع دونه ......... جلود صاحبه وضحلكم شن صار
وزاد شاعر اخر وقال ///
لاكم ليها ..... ولاكم الثورة تعرفوا شن فيها
امعا كل مجلوبة اتجو طرحيها ....... راكبينها الموجه اركوب احمار
ياما اجتمعتوا بالكلام عليها .......... اورقكم مشن بلستر ع الستار
هذى سياسة مانخشوا فيها ........ ولكنه عدو كلنا انجوه اصدار
دون وطنا الارواح ندللى بيها ............... ماى زوبله لاهو اقطاف اصغار
هلنا المعروفين فى ماضيها ............ لا طلينوا لا قبل داروا عار
لوكان خشت النيتو اتعزر بيها ....... اليوم نكشفه ليكم كلام اكبار
كم من مسيرة جيت تهفى فيها .... طامعين من سيدك اشوى دولار
ةةةةةةةةةةةةةةةةةةةةةةةةةةةةةةةةةةةة
لو كنت فارس اسماك ماتخفيها ...... اتقابل اتجى واضح جهار نهار
ورد ايضا الشاعر رحيل الورفلى وقال ///
قدر ربي ****** وطيح ليكاين امعاه امصبي
وتميت من التوار ليش مخبي ***** قديش ما صيحت بو منيار
وقديش ما صفقت لين امشبي****** وتردح مثيل التيتلي الزكار
وقديش من مسيره جيتها مدربي ****** طامع تبي ربطات من الدولار
وكنهو نبح سيدك تجيه ملبي ****** تمام سيدي يا صقر يا مغوار
اوهاك توا مع الثوره طلعت امصبي***نبي تقولي شن غيرك كيف صار
وزاد الشاعر العبيدى قال ///
راد وقدر ~ زعلان ليش كنك عليش اتهدر
ابكي بدمعك زيد نزل حدر ~ سواء بدمع والادم يشعل نار
فرعون قبله راد ربك ودر ~ استاعض ارجع لربك هو القهار
ما تلعب حجة الحق اتودر ~ قدوتنا رسول الله للتذكار
حجه ضعيفه حجتك وتودر ~ ارجع لربك توب باستغفار
وقال الشاعر الرحيل
راكم لينا ******** وانتم هل ماكم راخصين علينا
والوطن يبيكم ويبي العينا****** نبنوه وطنا وننسوه هلي صار
الماضي مضى عدى مشن اسنينا******نبو نعمرو لبلاد ساد دمار
اناشد عرب ليهم اعقول رزينا*********لواليب ليهم دوزنت لفكار
اديرو حساب لوطنا يبينا*******ونقطع مطامع دول لستعمار
ويا ليبيا يوم الكدر تلقينا***** احنى هلك مانهبو لهيب النار
ومازاااااااال الحبل على الجرارره