وهي منسيه&واليوم هامله تمت بلا أرعويه@يرعاها الله للبل/الي رعبوبه/أصحاب الأكرز تمت الهم مكسوبه&والناس لوله كنتي عليهم جوبه&وعلي نجعهم حشتي عقاب عشيه@وشالوا عليك أحمول يامرعوبه&ولعبن حوارينك علي لميه@وسيدك علي شانك أشرك توبه&في كل تيقه سيمتك مطريه@ واليوم من جفاهم شيرتك مدهوبه&وتميتي علي القطران ياالسخيه@أيجيبلك الله بارق أمزان أشبوبه&من سيله أتمدي رقبتك ملويه@وتبري من الجرب ياشوم يلي عوبه &وتريضي مع لريل الي بجديه@بعيده علي الجزار يامنكوبه&يانيست الخالي وين عتم ضيه@@/الله يرعاها&الي سيدها يضرب علي سباها&ماأتدر لين عيلها أيكون أحداها&بعد أحوارها يشرب حليب أشويه@تمله قدحها يروي الي حداها&وتخاف من الكوت الي غزير نصيه@توحه في المطر سبحان من سواها&أنرت برق يشاكع تقاوه ضيه@وما السيل يجرفها أطوال أخطاها&ترقي علي الجلاهي قبل موعد جيه@أتشق في أرمال أسيوفهن معلاها&وتحي أمحدره ماعندهاش لويه@وتبول علي سيقانها تملاها&لين من العبس مخروقتك مكسيه@وتشيل تمر من فزان فوق ضراها&وتجي أمروحه تعمد أوطان أزويه@دارولك أحقاب أتهيزعي بعراها&ياأمودره مامن أرواح بريه@ هذي قبل فارسها أيرد تناها&وتجي راده لوكانهي أمغزيه@و هذي قبل ماتاكل الا في عفاها&وتريض في أرقوق في أوطان عفيه@وأنهدر فحلها وين ماراعاها&أبصوكت أنيابه كي الموزيتيه@هذي وين ماحاشت أطوال ضراها&مالت سنامتها أسماح الجيه@واليوم علي الروامس قاصرات أخطاها&وطبتي علي الحلاق يامبليه@وتمه بالدقيق فطورها وعشاها&ولها زمان ماحطوا عليك حويه@خلاص بوطلب لين الأقراد كلاها&وأنتي لين تمت مشيتك مرخيه@واليوم سيدها عاجز أكبر خلاها&بين الطريق أمطوحه مرميه@