لجواد يكبروا في النار فوق حطبها-محمد رفه الجماعى

لجواد يكبروا في النار فوق حطبها¤¤ولنذال نارهم ماعمر تاق لهبها@@يشبحوا البعيده¤وركابت الكوت الي خماس الجيده¤وكيف ماأيقولوا العبد يعرف سيده¤هذي خيلهم تعرف الا صاحبها@وبنايت وسيع الجال بوتنضيده¤الي مواتقه وتقن علي موتقها@بو أطناب لنقر سمح في تبجيده¤علي مواتقه دق الارمام كربها@@أسياد أقحيله¤الطرمه الخواره وبنت خويله¤وعوج اللغاوي في أضراها ميله¤صعيبه علي الغزاي مايقربها@ومافارقت رعيانها في ليله¤أطوال الضراء حرشه أسماح أتلبها@ولا في الخلا باتت أتدوح هميله¤ولا أدخلت في حلاق بين عربها@حليبها شفاء مامن أنفوس عليله¤سخيه مسوح أتدر كان حلبها@عبسها كما جاوي أطلق في عيله¤أسماح الهلهل تعرف الي كاسبها@أسيادها علي سبق شلوق تليله¤الدير تقسمه وقتن أينوض غضبها@أتفز فزت الي طوحوا كمبيله¤حصاوي أمجوع للحبار نهبها@مكروم بوفنادي من أخيول أصيله¤عاتي عريض الصدر وين قلبها@علي لدعت الجايل أيجض صهيله¤جميع الجداوي من الأنعال سلبها@وهلها أجواد للوغاء جنتيله¤ضرابت العايب فوق من منقبها@نزالت عفاء مسطاح عامر سيله¤في وطن لا أشبوبها خضبها@في نجع يطامن أحداه نزيله¤أيحاموا ضعيف الحيل من غالبها@جميع من أمجاورهم أوجاء أبرحيله¤يرتاح وين خش لنجعهم وأقربها@ومايوسموا في الافيه الغفيله¤ولا أيناسبوا فلي عطيب نسبها@وعين بنتهم دامي بعد جليله¤فليت هذبها حالك سواد رغبها@حره مساديها الهن تشكيله¤علي يدها غرداش فوق طبقها@موضوعي علي لجواد جبت أقحيله¤وأسرحت قيسني علي غزير هذبها@لجواد فعلهم سابق علي أمفاعيله¤شديد عزمهم علي الصايبه وكربها@لجواد خيلهم نقمار بتحجيله¤ومايركبوا ضامر حرون زقبها@لجواد يفعلوا في الطيبه النبيله¤لجواد عكسهم لنذال في ملعبها@أخبات النوايا كيف لون النيله¤قصير كمهم للعاطله وسببها@فراقت نواجع قطعهن باليله¤والعين ماتعلي علي حاجبها@كلامي أنقصه علي لنذال زطيله¤وأنرده علي لجواد كان عجبها@لجواد صيتهم واصح أتقول فتيله¤والشمس ماضهر غربال يوم حجبها@لجواد يكسبوا في الذود موش ضليله¤هي والغزال أمراح بين شعبها@لجواد من ضناء لجواد موش بخيله¤لجواد علي الكرم تسبق الي سابقها@طعامت الجايع في أسنين كليله¤دوازين شيخهم دبار صاحب جبها@لجواد ماأيغيرهم شبع لا حيله¤أنظاف المعادن عاليا مرتبها@ويقولوا الي فارس حيا القبيله¤وفارس ضناء لجواد ماخيبها@حمال للكواين قرم في تفصيله¤وجاسر أنجاء للطامرات شطبها@وصغيرهم أيدير علي الكبير الشيله¤وماهو أمنلي شيرته داهبها@لجواد ماأتفرقهم عقاب عزيله¤في نجع واحد عايشين أبنبها@والقول نختمه ونزيد في تحليله¤والي أتخش فيها نقد نجنبها