اليوم قصيدتنا للشاعر الكبير فيصل بوغاليــــة..بعنوان

واخذ الخلا خلونـــي **** ألقيت في الخلا راحة تحيد غبوني**** مليت م الونس

الخلا ومطــــــــرف **** لها سنين عيني ع البكاء تشرف

ومن حيش تاومن ماعد هناك الشرف **** اللي ابهن منايح ود وديتوني

وان كان ضافني ضايف اساع انتخرف **** عليكم بهن ونقوله ياعوني

مجاور مسامي موش ناس هكرف **** تقسيم السويا فيه مانسيوني

وان ماضافني ضايف اساع نطرف **** بروحي علي روحي مغير خطوني

الخلا ونشيلــــــــــــــــــــــــــه **** صوتي علي اللي ماهناك مثيلة

وكل واحد عند في الحياة عزيلة **** يااللي اتريدو ع البكا تنهوني

ونلقاه في ماننكر كبير جميله **** جحود الجميل علية ماربوني

ناسي ولاني من اعريب زطيلة **** كا يوم عالق في عرب تلقوني

انت ريت قدر حفيان القدم نمشي له **** وان خص جانح للخلا تلقوني

واليوم المودة الثابتة الاصيلة **** دفنت وميت كيفها عدوني

الخلا وقرينــــــــــــــــــــــــي **** اللي قبل يضحك وين مايرعيني

واليوم كي نظرني قال لي عزيني **** في عزوتي ياعزوتي اقهروني

عابي علي سربه اليوم اتجيني **** من ناسي لياسي قيسم باعوني

وعابي علي دمعة اتحيد غبيني **** القيت من السوايا جافات جفوني

وعابي علي عزمي قوي يحميني **** لقيت راقه غالي مشى بديوني

وبقيت في الديار نموج ياتكويني **** لاني من الحيين لاادفنوني

الخلا ف سيابـــــــــــــــــــــــي **** بروحي انريد انقول ياغيابي

لوكان تعرفو وين الزمان مشا بي **** ويش دار في وفي بصيص عيوني

خلاني بعدكم في ديار نكابي **** اموجب وحابس عبرتي بسنوني

واللي لي حاسبهم عليهم عابي **** يقولو ان طال المد هايا دوني

القيتهم مع غيري علي معابي **** بلا عيب مني جايهم كرهوني

وان كانهوا بهم ناوي يريد غلابي **** عليه وعليهم موعره غليوني

واخد الخلا خلوني *** القيت في الخلا راحة تحيد اغبوني *** مليت م الونـــس

تحياتي ليكم

» وهي منسية // للشاعر محمد رفه الجماعى
» ارقود زويلة - للشاعر عثمان رفه
» دوبنى غفيت - للشاعر عثمان رفه
» كميت اشواقى - للشاعر محمد رفه
» بانن على خطاه .......للشاعر عمران على رفه